ກອງທັບອາກາດບຣູໄນ ໄດ້ຮັບເຄື່ອງບິນ ລຳລຽງລຸ້ນ C295 MW
ສຳນັກຂ່າວເຈນລາຍງານໃນ ວັນທີ 25 ມັງກອນ ໂດຍອ້າງຈາກແຫຼ່ງຂ່າວຂອງກອງທັບບຣູໄນ ໃຫ້ຮູ້ວ່າ: ກອງທັບອາກາດບຣູໄນ
ໄດ້ຮັບເຄື່ອງບິນລຳລຽງລຸ້ນ C295 MW ຈຳນວນ 2 ລຳທຳອິດຈາກ 4 ລຳ ທີ່ກອງທັບບຣູໄນ ໄດ້ຕົກລົງສັ່ງຊື້ກ່ອນໜ້ານີ້ຈາກບໍລິສັດ
Airbus Defence and Space SAU.
ເຄື່ອງບິນລຳລຽງລຸ້ນ C295 MW ໄດ້ນຳສົ່ງມາເຖິງສູນກາງການເຄື່ອນໄຫວທາງອາກາດ ຂອງກອງທັບບຣູໄນ ໃນວັນທີ 24 ມັງ
ກອນ 2024. ກອງທັບບຣູໄນ ໄດ້ລົງນາມສັນຍາສັ່ງຊື້ກັບບໍລິລັດ Airbus Defence and Space SAU ທີ່ມີສາຍການຜະລິດ
ຫຼື ໂຮງງານຕັ້ງຢູ່ປະເທດແອັດສະປາຍ. ສຳລັບສັນຍາແມ່ນໄດ້ເຊັນກັນຕັ້ງແຕ່ ວັນທີ 2 ທັນວາ 2022 ເປັນຕົ້ນມາ. ຕາມແຜນການຂອງ
ກອງທັບ ບຣູໄນ ຈະຊື້ເຄື່ອງບິນລຸ້ນດັ່ງກ່າວມາທົດແທນເຄື່ອງບິນລຳລຽງລຸ້ນເກົ່າເຊັ່ນ: Airbus CN235-110M ທີ່ປະຈຳການຢູ່ໃນ
ກອງທັບຕົນມາເປັນເວລາຫຼາຍປີ. ເຄື່ອງບິນລຳລຽງລຸ້ນ C295 MW ທາງກອງທັບບຣູໄນ ຈະໃຊ້ເຂົ້າໃນພາລະກິດລຳລຽງອາວຸດຍຸດ
ໂທປະກອນ, ໃຊ້ເຂົ້າການເຄື່ອນຍ້າຍກຳລັງພົນ, ພ້ອມທັງປະຕິບັດການຕ່າງໆທາງອາກາດ ໃນປະເທດ ແລະ ພາກພື້ນ ປະເທດຕ່າງໆ.
ນອກນັ້ນຍັງຈະໃຊ້ເຂົ້າໃນພາລະກິດຊ່ວຍເຫຼືອດ້ານມະນຸດສະທຳ, ປະຕິບັດການບັນເທົາໄພພິບັດ, ການສົ່ງເຄື່ອງອຸປະກອນການ
ແພດ, ການປະຕິບັດການກູ້ໄພອຶ່ນໆທີ່ກ່ຽວຂ້ອງ.
ແຫຼ່ງທີ່ມາ: ໜັງສືພິມກອງທັບ
ວັນທີ 29/01/2024